Kapampangan ku!

Migagalak tamu keng pagiging Kapampangan
Masanting yang gamitan para keng kasulatan
Dakal man lenggwaing malyaring gamitan
Buri tamu pa rin ing amanung sisuan

Mitwa kung magsalitang Kapampangan
Mibyasa ku ring salitang dayuan
Oneng eku pa rin akakalingwan
Reng amanung minuna kung pekamalan

Atin kung metung a pigaganakan
Ot megbayu ing enerasyung kaanakan
Mibait la mo kanung Kapampangan
Ali da naman balu ing Amanung sisuan

Masakit man, eku aiwasang isipan
Ing amanu tamu ba mekalingwan?
Sana mibalik ing pamagsalita tamu ngan
Gamitan tamu ngan ing Amanung Kapampangan

Mibuu ya ining kakung kasulatan
King inspirasyun kareng kapwa Kapampangan
Ini ing tula ku para kareng kaanakan
Basbasan na sana ning kabanalan