The Search For The Next Zoren Legazpi

Noong napanood ng mga Kababaihan ang Kasal ni Zoren at Carmina, siguradong kilig na kilig sila sa effort na ginawa ni Zoren para sa Kasal na iyon. Ginawa niya ang lahat para sa isang sorpresa para sa taong kanyang minamahal. NapakaSweet nga naman. Madami ang natuwa dahil mayroon pa daw mga lalaking sweet, ibig sabihin ay parang rare na ang mga lalaking tulad ni Zoren Legazpi.

Kaya ngayon, madaming kababaihan ang naghahangad na dumating sa kanila ang isang prinsipe na magpapakita ng tunay na pagmamahal. Isang lalaking kagaya ni Zoren Legazpi. At heto na nga, The Search For The Next Zoren Legazpi!

Una syempre, Qualifications na gusto ng mga babae. Kumbaga "Ideal Man". (No Ranking)
1. May Tunay Na Pagmamahal
2. Syempre, laging nag-eEffort
3. May Hilig sa Sorpresa
4. Maibibigay ang Kasal na Hinahangad ng Bawat Tao
5. May Paninindigan
6. Makakasama Habang Buhay
7. Gwapo

Sabihin na natin meron lahat ng yan si Zoren Legazpi, hindi natin masasabi na pati ang mga lalaking nakatakda sa inyo ay mayroon lahat ng yan. So, lagyan natin ng remarks ang Qualifications.

1. Ang lalaki, kailangan bago mo sagutin at maging karelasyon, kailangan padaanin mo sa pagsubok na tinatawag na Panliligaw. Kapag naging masaya ka sa kanyang panunuyo, sagutin mo. Kapag magkarelasyon na kayo, mas matinding pagsubok ang para sa lalaki at para sa babae din, kailangan pareho niyong ma-survive ang pagsubok. Diyan lilitaw ang tunay na pagmamahal ng lalaki, yung halos nasa Break-Up na kayo pero iniligtas niya parin ang relasyon niyo. Mahal ka niyan. Qualified yan.

2. Effort. Laging hinahanap yan ng babae sa isang lalaki. Ang lalaki dapat may initiative na gawin ang mga bagay na ikasasaya ng babaeng minamahal niya. Ang bawat unforgettable moments ng magkasintahan ay nag-uumpisa sa effort ng isang lalaki. Ang lalaki na mag-eexert ng effort para sa relasyon nilang magkasintahan. Qualified yan.

3. Sorpresa. Katulad ng Surprise Marriage ni Zoren kay Carmina. Pero madaming klase ng sorpresa, hindi man bongga ay siguradong worth it naman. Ang lalaking laging nag-iisip ng sorpresa para sa kanyang minamahal, gumagawa ng paraan para hindi maging boring ang relasyon niyo. Isang simbolo yan ng pagmamahal. Pero girls, you must appreciate. Yun ang hangad ng lalaki sa bawat sorpresa niya para sayo, at asahan mo kapag naappreciate mo, uulit-ulitin niya. Yung masosorpresa ka kapag ipinakita niyang mahal na mahal ka niya. Qualified yan.

4. Kasal. Hinahangad ng bawat tao ang maikasal sa simbahan o sa huwes. Lahat ng babae pinapangarap yan, ang makahanap ng prinsipe na dadalhin siya sa altar para sumumpa ng pagmamahalan. Alam niyo girls, kapag ang lalaki naman ang nakaisip na pakasalan kayo, isang senyales yun na natatangi kang babae na nais niyang makasama at mahalin habambuhay. Kapag ang lalaki, gusto kang pakasalan, seryoso yan. Ang lalaking handang sumumpa na iingatan ka at mamahalin ka habambuhay. Qualified yan.

5. Ang lalaki dapat may paninindigan, dahil kaakibat ng pag-ibig niya sayo ay isang responsibilidad na pangangalagaan ka at papaligayahin ka. Ang lalaki, papanindigan niya na maging Asawa, maging Ama ng mga magiging anak niyo at syempre maging Anak din sa magulang ng mga babae.

Sa kaso ni Zoren Legazpi, nauna ang pagkakaroon ng anak pero pinakasalan niya si Carmina sa huli. Girls, kapag hahanap kayo ng Zoren niyo, mag-ingat kayo at kilatisin niyo. Baka ang pakay niya sayo ay magkaroon kayo ng anak, pero hindi ka naman pakakasalan. Ingatan niyo ang pagkababae niyo dahil baka magsisi kayo. Isang napakaimportanteng Qualification yan.

Ang lalaki dapat panindigan ka niya. Qualified yan.

6. Ang lalaki, ang gusto talaga niyan ay ang may makasama habambuhay. Ipapakita niya sayo ang tunay na pagmamahal, mag-eeffort yan para sa relasyon niyo, gagawa ng sorpresa yan para patuloy ipakita ang pagmamahal niya, papakasalan ka at susumpa na mamahalin ka habambuhay, at paninindigan niya lahat ng bagay. Lahat ng yan ay para makasama ka habambuhay. Qualified yan.

7. Ang pagiging gwapo, bonus na lang yan. Dahil kapag ang lalaki, taglay ang mga unang 6 Qualifications, mamahalin na iyan ng babae. Sigurado yun. Meron man o walang kagwapuhan ang lalaki, magiging masaya na ang babae sa piling niya. Sabi nga nila, hindi naman nagtatagal ang kagwapuhan, kaya tiyak na sasaya ang babae kahit matanda na sila basta Qualified si lalaki.

Meron mga babae na pumipili dahil sa kagwapuhan, at karamihan, natatapos lang ang relasyon. Siguro dahil eh wala ang qualifications sa gwapong iyan. Suggestions para sa mga babae, pumili kayo sa pagkatao ng lalaki, hindi ka iiwan niyan. Gwapo man o hindi. Qualified yan.


Masasabi kong taglay lahat yan ni Zoren Legaspi, dahil bukod sa naisagawa niya ang mga yan sa kanyang asawa, eh halata naman kay Carmina kung gaano siya kasaya.

Ganyan ang taglay ng isang lalaking mamahalin ka.. Kung hindi man niya taglay ang iilan, basta taglay niya ang karamihan, Mahal ka niyan. Girls, tandaan niyo yan, huwag kayo basta basta pipili ng lalaki dahil kasalukuyan at kinabukasan niyo ang nakataya diyan, magiging masamang nakaraan pa yan.

Punta ka sa simbahan, manalangin sa Panginoon na ganyang klase ng lalaki ang ibibigay niya sayo. :)